Pages

Monday, August 21, 2017

வேதம் -1





எஸ் ஏ ஆர் பிரசன்ன வெங்கடாசாரியார் சதுர்வேதி
இப்படி ஒத்தரோட பேருரை கண்ணுல பட்டுது. மடை திறந்த வெள்ளம்ன்னா அது ஒரு உதாரணம். என்ன ஒரு எனர்ஜி! அவர் பேசின விஷயமும் ரொம்ப நாளா எழுத நினைச்ச விஷயமே. ரைட். இனி எழுதறது அவரோட உரை எளிமைப்படுத்தி என் போக்கிலே.. (கருத்து அவரோடது.) ஏன்னா பிரமிப்புல நாம பாட்டுக்கு வாய பொளந்துண்டு உக்காந்துண்டு இருப்போம். ஒவ்வொரு வாக்கியத்திலேயும் இருக்கிற நுணுக்கங்கள் பிடி படாம போயிடும்!
இவருடைய பயோடேட்டாவை இங்கே பார்க்கலாம்: http://sarpvchaturvedibiodata.blogspot.in/
இது உடான்ஸ்ன்னு தோணும் அளவுக்கு இருக்கு!
உரை தலைப்பு: வேதம், ஸ்வரம், அர்த்தம், மந்திரம்.
--
உலகங்கள் எல்லாம் பிரளயத்தில் மீண்டும் ஒன்றாகி ஒரே வஸ்துவாக ஒடுங்கிப்போறது, (பிர +லயம் ) பல ஆயிரம் லட்சம் வருடங்கள் சென்ற பிறகு பிரளயத்தில இருந்து உலகம் திருப்பியும் தோன்றுகிறது. ஒன்றாக இருந்த அந்த வஸ்துவில இருந்து பஞ்ச பூதங்கள் என்கிற ஐந்து பெரும் பருப்பொருட்கள் தோன்றும், இவை அனைத்தும் அவற்றுடைய பண்புகளாக இருக்கின்ற தன் மாத்திரை என்று சாஸ்திரங்களில சொல்லுகிற உணர்வுகளும் எப்படி உண்டாச்சு? இவை பரந்து விரிந்து பல வேறு உலகங்களாக ஆகி இருக்கின்றன இல்லையா? இதிலதான் நாம வாழ்ந்து கொண்டு இருக்கோம். ஆனால் இவற்றின் தோற்றுவாய் என்ன? இவை வளர்ந்த விதம் என்ன? இவற்றின் இயக்கம் எப்படி நடக்கிறது? நுணுக்கங்கள் என்ன? ஊழிக்காலத்தில் எப்படி ஒடுங்குகின்றன? எப்படி மீண்டும் தோன்றுகின்றன
 
இவை எல்லாம் விடை காணாத கேள்விகள்
 
இது போன்ற மனிதனும் அவன் சார்ந்து இருக்கின்ற எல்லா பொருட்களும் எங்கிருந்து தோன்றினவோ அந்த மூல அறிவை, மனிதன் தன் இயல்பான அறிவால தெரிந்துகொள்ள முடியாது. புலன்களாலே ஏற்படும் உணர்வினாலேயும் தெரிந்து கொள்ள முடியாது. நேரிடையா தெரிகிற சான்றுகளுக்கு அப்பாற்பட்டது. இப்படி மனித அறிவு, உணர்வுக்கு அப்பாற்பட்டு இருக்கும் அதை தெரிஞ்சுக்க ஒரே வழி மறை என்கிற வேதம்தான். இதுதான் ஒரு டெலஸ்கோப் மாதிரியும் அதே சமயம் ஒரு மைக்ராஸ்கோப் மாதிரியும் எட்டாத ஒன்றை அணுகிப்பார்க்க வழி செய்யறது.

Friday, August 18, 2017

மனீஷா பஞ்சகம் -10





ஒவ்வொருவருக்கும் ஒரு கருத்து இருக்கிறது. அதை மற்றவர் மனது புண்படாமல் வெளிப்படுத்துவது அவரவர் சுதந்திரம்.
ஜாதி இல்லை ஜாதி இல்லை என்று சில பலர் சொல்லிக்கொண்டே இருக்கிறார்கள். இவர்கள் அனேகமாக எதிர்ப்பது ஜாதியை இல்லை. அதன் பெயரால் ஏற்படும் ஏற்றத்தாழ்வுகளைத்தான்; ஒருவர் ஒரு ஜாதியை சேர்ந்தவர் என்பதற்காகவே அவரை பற்றி இப்படி இப்படி என்று முடிவு கட்டுவதையே எதிர்க்கிறார்கள்; அதன் பெயரால் ஒருவரை ஒடுக்குவதையே எதிர்கிறார்கள்.
இப்படி இல்லாமல் எல்லாம் ஒண்ணுன்னு பாட்டு பாடறது எப்படி சரியா இருக்கும்? இயற்கையில் யாருமே இன்னொருவர் போல இல்லை. ஒருவர் உடல் வலிமை மிக்கவரா இருக்கார். பலர் அப்படி இல்லை. சிலர் புத்திசாலியா இருக்கார். பலர் அப்படி இல்லை. இந்த புத்திசாலித்தனத்துலேயே பல வெரைடியும் இருக்கும்.
ஆயிரத்தெட்டு காரணிகளை பார்த்தா ஒருவர் கூட இன்னொருவர் மாதிரி இல்லைன்னு புரியும்.
சமூகத்தை பொருத்த வரை யார் எப்படி திறமையா பங்களிக்க முடியுமோ அப்படி முடிஞ்ச வரை அளிக்கணும். எல்லாரும் வக்கீலாக வேண்டிய தேவை இல்லை. எல்லாரும் ஐடி எஞ்சினீர் ஆக தேவை இல்லை. எல்லாரும் டாக்டர் ஆக வேண்டிய தேவை இல்லை.
சமூக முன்னேற்றம் சரியான வழியில நடக்கலை. செருப்பு தைக்கறவர் இப்ப மேம்பட்ட டெக்னாலஜில பெரிய செருப்பு கடை வெச்சு இருக்கணும். ஏன் பேட்டா ன்னு ஒரு நிறுவனம் வந்து பலருக்கு வேலை இல்லாம ஆக்கணும்? இதே போலத்தான் பல துறைகளும். ப்ரொடக்‌ஷன் பை மாஸ் இல்லாம மாஸ் ப்ரொடக்‌ஷன் வந்துடுத்து.
சமூகத்தை பொருத்த வரை யார் எப்படி திறமையா பங்களிக்க முடியுமோ அப்படி முடிஞ்ச வரை அளிக்கணும்ன்னு சொன்ன மாதிரியே அரசுகள் யார் யாருக்கு என்ன தேவையோ அதை அடிப்படை லெவல்ல அளிக்கணும். ஒரு வேளையாவது வயிறு நிறைய உணவு, கிழியாத சேலை வேட்டி, நனையாத படிக்கு மேலே ஒரு கூரை தவிர யாரும் எதையும் எதிர்பார்க்கக்கூடாது. அதுக்கு மேல அவரவர் சாமர்த்தியத்துல சம்பாதிச்சுக்கட்டும்.
ஜாதி என்கிறது போகவே போகாது. இப்போ இருக்கற வடிவத்தில இல்லாட்டாலும் வேறு ஏதேனும் ஒரு வடிவில இருந்து கொண்டுதான் இருக்கும்.
நிதர்சனத்தை ஒத்துக்கொண்டு இந்த சாதிகள் மோதிக்காம இருக்க என்ன செய்யலாம்ன்னு யோசிச்சா மட்டும் போதும். ஆனா இது பலரோட பிசினஸ்ஸா இருக்கிறதால அது இப்போதைக்கு நடக்கும்ன்னு தோணலை. சாதி இல்லைன்னு முழங்குகிற அரசியல்வாதிகளேதான் சண்டை சச்சரவை தூண்டுறவங்களாகவும் இருக்காங்க. அவங்களேதான் ஒரு பக்கம் சாதி இல்லைன்னு சொல்லிக்கொண்டே இன்னொரு பக்கம் இன்னின்ன சாதிக்கு ஒதுக்கீடுன்னு கூவிகிட்டே இருக்காங்க.
இதையே பிடிச்சுண்டு பொலம்ப நான் தயாரா இல்லை.
ஜாதி இல்லைன்னு சொல்லறது அவரவர் விருப்பம்; கருத்து சுதந்திரம்.
சங்கரர் அப்படி சொல்லலை.
அப்படி சொன்னதா பெரிய பெரிய மனிதர்கள் பிரசாரம் பண்ணி கேட்டு இருக்கேன். அவங்களுக்கு தெரியலைன்னு சொல்ல முடியாது. அப்போதைக்கு அது அவங்களுக்கு சௌகரியமா இருந்திருக்கலாம்.
அப்படி சொல்லறவங்க எல்லாரும் கோட் பண்ணது இந்த மனீஷா பஞ்சகத்தைத்தான். அதைப்பத்தி நாம வலையில தேடினாலும் அதிகம் கிடைக்காது. "கர்மத்தை செய்; பலனை எதிர்பாராதே" ன்னு பகவத் கீதையில பகவான் க்ருஷ்ணர் சொன்னதா மிஸ் கோட் உலவறா மாதிரிதான் இதுவும்.
தொடரை படிச்சவங்களுக்கு புரிஞ்சிருக்கும்ன்னு நினைக்கிறேன்.
ஜாதி இல்லைன்னு சொல்லிக்கறது உங்க சுதந்திரம்; ஆனா அதுக்கு சங்கரரை ஆதாரமா இழுக்காதீங்க. அவ்ளோதான் என் வேண்டுகோள்.

Thursday, August 17, 2017

மனீஷா பஞ்சகம் - 9





இங்கு கவனிக்கவேண்டிய விஷயம் என்னவென்றால் இத்தகைய ஞான அனுபவம் எவனுக்கு இருக்கிறதோ அவன் விஷயத்தில் வர்ண விபாகம் ஒரு பொருட்டல்ல என்றுதான் ஆசார்யர் சொல்லியிருக்கிறாரே தவிர ஞானம் என்றால் என்ன என்றே
புரியாதவர்களுக்கோ அல்லது வீம்புக்கு தனக்கு ஞானம் இருப்பதாகச்
சொல்லிக்கொள்பவர்களுக்கோ வர்ண விபாகம் தேவையில்லை என்று ஆசார்யர்
கூறவேயில்லை. உலக விவகாரம் இருக்கும் வரையில் அவரவர்களது வீடு நிலம்
சொத்து இதுதான் என்றும் அவரவர்களது கணவன் மனைவி மக்கள் குடும்பம்
இன்னார்தான் என்றும் வ்யவஸ்தை எப்படி அவசியமோ அப்படி அவரவர்களது பிறப்பு இந்த குலத்தில்தான், அதன் ஸ்வதர்மம் இன்னதுதான் என்ற வ்யவஸ்தை அவசியம் வேண்டும்.

வர்ண விபாகம் யாரையும் மட்டம் தட்டும் நோக்கத்தில் ஏற்பட்டதல்ல. மாறாக
அவரவர்களது நன்மை எதில் உள்ளது என்ற கரிசனமே மஹர்ஷிகள் இதனை
ஏற்படுத்தியதற்குக் காரணம். “உயர்ந்த” வர்ணங்களாக கருதப்படும் வர்ணங்களில் பிறந்தவர்களுக்கு அத்தகைய “உயர்ந்த” ஸ்தானத்திற்கேற்ப நடந்து கொள்ளவேண்டும் என்ற பெரிய கசப்பான கடமை உண்டு. வெறுமனே அவர்களுக்கு உயர்ந்த ஸ்தானம் கொடுத்துவிடவில்லை. முந்தைய காலத்தில் இவ்வாறு உரிய குணங்களோடு நடந்துகொள்ளாமல் இருந்தவர்களை அந்தந்த வர்ணத்தவர்களே தள்ளிவைத்தனர். பிற்காலத்தில் பல காரணங்களால் இது மாறிய நிலையில், தமது தர்மப்படி நடந்துகொள்ளாமல் தனது பிறப்பை மட்டும் முன்னிட்டு தனக்கு கௌரவம் கொடுக்கவேண்டும் என்று எதிர்பார்ப்பவர்களின் எண்ணிக்கை அதிகரித்த பிறகே மற்ற வர்ணத்தவர்களுக்கு இந்த வர்ணத்தவர்கள் பேரில் மனக்கசப்பு ஏற்பட்டது. இன்றும் தமது ஸ்வதர்மப்படி நடந்துகொள்ளும் அந்தந்த வர்ணத்தவர்களை மற்ற வர்ணத்தவர்கள் இயற்கையாகவே மதிக்கவே செய்கிறார்கள்.

ஆகவே வர்ண விபாகமே தேவையில்லை என்ற கூற்று ஆதாரமற்றது, மேலும் ஆசார்யரது கருத்தும் அவ்வாறே என்ற கூற்று அதைவிட ஆதாரமற்றது.
--
அடுத்து எனது சில வார்த்தைகளுடன் தொடர் முடிவுறும்.

Wednesday, August 16, 2017

மனீஷா பஞ்சகம் - 8





இப்படி ஆசார்யர் கூறி வணங்க ஈசன் சண்டாள உருவம் மறைந்து கைலாஸபதியான ரூபத்தில் காட்சியளிக்க ஆசார்யர் கூறுகிறார் -



दासस्तेऽहं देहदृष्ट्याऽस्मि शंभो
जातस्तेंऽशो जीवदृष्ट्या त्रिदृष्टे
सर्वस्याऽऽत्मन्नात्मदृष्ट्या त्वमेवे-
त्येवं मे धीर्निश्चिता सर्वशास्त्रैः

தா³ஸஸ்தே(அ)ஹம்ʼ தே³ஹத்³ருʼஷ்ட்யா(அ)ஸ்மி ஸ²ம்போ
ஜாதஸ்தேம்ʼ(அ)ஸோ² ஜீவத்³ருʼஷ்ட்யா த்ரித்³ருʼஷ்டே |
ஸர்வஸ்யா(அ)(அ)த்மன்னாத்மத்³ருʼஷ்ட்யா த்வமேவே-
த்யேவம்ʼ மே தீர்னிஸ்²சிதா ஸர்வஸா²ஸ்த்ரை: ||

(
அனைத்து நன்மைகளுக்கும் இருப்பிடமான) சம்போ, உடல் ரீதியில் (நானும் ஒரு
மனிதன் என்று பார்த்தால்) நான் உனது தாசன். முக்கண்ணனே, ஜீவன் என்ற
ரீதியில் (தீயின் தீப்பொறி போல் என்னிடம் உள்ள சைதன்யமானது உனது பரந்த
சைதன்யத்தின் ஒரு பகுதி என்று கருதினால்) நான் உனது அம்சமாக ஆகிவிடுகிறேன். அனைத்திற்கும் (உள்ளிருப்பதால் அஃதனைத்திற்கும்) தன்
சொரூபமானவனே, (அவ்வாறு) என் ஸ்வரூபமாக(வும் நீயேதான் இருக்கிறாய் என்று) ஆராய்ந்தால் (நான்) நீயே தான். ஸகல சாஸ்த்ரங்களின்படியும் நான் அடைந்த தீர்மானமான எண்ணம் இதுவே.

॥ इति श्रीमच्छङ्करभगवतः कृतौ मनीषापञ्चकं सम्पूर्णम् ॥

Tuesday, August 15, 2017

மனீஷா பஞ்சகம் - 7








यत्सौख्याम्बुधिलेशलेशत इमे शक्रादयो निर्वृता
यच्चित्ते नितरां प्रशान्तकलने लब्ध्वा मुनिर्निर्वृतः ।
यस्मिन्नित्यसुखाम्बुधौ गलितधीर्ब्रह्मैव न ब्रह्मविद्
यः कश्चित्स सुरेन्द्रवन्दितपदो नूनं मनीषा मम ॥ ५ ॥

யத்ஸௌக்²யாம்பு³திலேஸ²லேஸ²த இமே ஸ²க்ராத³யோ நிர்வ்ருʼதா
யச்சித்தே நிதராம்ʼ ப்ரஸா²ந்தகலனே லப்³த்வா முனிர்னிர்வ்ருʼ: |
யஸ்மின்னித்யஸுகா²ம்பு³தௌ³லிததீர்ப்³ரஹ்மைவ ந ப்³ரஹ்மவித்³
: கஸ்²சித்ஸ ஸுரேந்த்³ரவந்தி³தபதோ³ நூனம்ʼ மனீஷா மம ||  5 ||


எந்த ஸுகக் கடலின் துளிக்கும் துளி (போன்ற மிகச்சிறிய ஸுகத்தால்)
இந்த்ரன் முதலிய இவர்கள் த்ருப்தியடைகிறார்களோ, (இந்த இந்த்ர ஸ்திதியைக்
காட்டிலும் உயர்ந்ததை அடையவேண்டும் என்ற தீர்மானம் உடைய) முனிவர் அனைத்து சிந்தனைகளும் நிரந்தரமாக ஒடுங்கிப்போன தமது உள்ளத்தில் எதனை அடைந்து த்ருப்தியடைவாரோ, எந்த அழிவற்ற ஸுகக்கடலில் தமது சித்தம் நழுவிப்போகப் பெற்றவர் ப்ரஹ்மஞானி என்று (கூட கூறுவதற்கு வேண்டிய வேறுபாடு) இல்லாமல் அந்த ப்ரஹ்மமாகவே (ஆகிறாரோ), அவர் எவரானாலும் இந்த்ரன்கூட வணங்கத்தக்க திருவடியுடையவரே (ஏனெனில் அவனைக் காட்டிலும் உயர்ந்த நிலையில் அவர் இருக்கிறார்) என்று எனது தீர்மானம்.

இப்படி ஆசார்யர் கூறி வணங்க ஈசன் சண்டாள உருவம் மறைந்து கைலாஸபதியான ரூபத்தில் காட்சியளிக்க ஆசார்யர் கூறுகிறார்.....